الماتىدا كوروناۆيرۋس ينفەكتسيياسىن جۇقتىرعاندار سانى كٶبەيٸپ كەلەدٸ. بۇل تۋرالى ونلاين بريفينگ بارىسىندا الماتى قالاسى بويىنشا تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى قارلىعاش ەدبٸجابباروۆا ايتتى, دەپ حابارلايدى قازاقپارات.
«الماتى قالاسىندا كۆي بويىنشا ەپيدەميولوگييالىق جاعداي كٷرت ناشارلادى, قر بويىنشا ەپيدەميولوگييالىق جاعدايدى باعالاۋ ماتريتساسىندا قالا ٷشٸنشٸ كٷن «قىزىل» ايماقتا ورنالاسقان. اپتالىق سىرقاتتانۋشىلىق 100 مىڭ تۇرعىنعا شاققاندا 2,2 ەسە ٶستٸ», - دەيدٸ سپيكەر.
ونىڭ ايتۋىنشا, ەپيدەمييانىڭ تاعى بٸر تولقىنى جاڭا جىلدىق مەرەكەلەر مەن بەلگٸلٸ وقيعالاردان كەيٸن جەنە «وميكرون» شتاممىنا بايلانىستى بولىپ وتىر.
بۇل زەرتحانالىق تٷردە بيىلعى جىلدىڭ 6 قاڭتارداعى تولىق گەنومدىق سەكۆەنيرلەۋ نەتيجەلەرٸمەن راستالادى.
«قر دسم-دە 96 سىنامادان 8 سىنامادا وميكرون شتاممى انىقتالدى, ونىڭ ٸشٸندە 7 سىناما الماتى قالاسىنان بولدى. «دەلتا» شتاممدارى سىنامالاردىڭ 71% - ىندا انىقتالدى, «دەلتا – پليۋس» - 16% - دا, باسقا شتاممدار - 4,7% پايىز.
«وميكرون» شتاممىنا تەن الماتى قالاسىنداعى ەپيدەميولوگييالىق پروتسەستٸڭ ەرەكشەلٸكتەرٸ - اسا جوعارى جۇقپالىلىعى (تارالۋ كوەففيتسيەنتٸ 1:5), يممۋنيتەتكە تٶتەپ بەرۋ قابٸلەتٸ, قايتا جۇقتىرۋ قاۋپٸنٸڭ جوعارىلاۋى جەنە 20-30 جاس ارالىعىنداعى ازاماتتاردىڭ زاقىمدانۋى بايقالادى» - دەيدٸ ول.
سونىمەن قاتار ول اپتا سايىنعى سىرقاتتانۋشىلىق بۇرىن كۆي-مەن اۋىرىپ ساۋىققان ادامداردىڭ قايتا جۇقتىرۋ جاعدايلارى كٷرت ٶسكەنٸن ايتتى.
