«Almaty» telearnasynyń Akimat Live baǵdarlamasynyń tikelei efirinde qala ákimi Baqytjan Saǵyntaev megapolistegi sanitarlyq-epidemiologiialyq ahýal jóninde aityp berdi, dep habarlaidy "Ult aqparat".
Almatyda búgingi kúni koronavirýs infektsiiasynyń 20 635 jaǵdaiy tirkeldi, onyń 12 927-i - siptomdy, 7 708-i - simptomsyz.
Osy jyldyń 19 qańtarynda COVID-19 aýrýynyń 127 jaǵdaiy tirkeldi, onyń ishinde 84 jaǵdai - siptomdy, 28-i - simptomsyz.
Jalpy juqtyrýdyń táýliktik ósimi - 0,5%. Almatyda virýstyń reprodýktivtilik kórsetkishi 0,954 (respýblika boiynsha - 1,1).
Infektsiia negizinen qoǵamdyq oryndarda juǵýda. 3-19 qańtar aralyǵynda qoǵamdyq oryndarda (40,1%), otbasyndaǵy KVI naýqaspen bailanys (27,4%), qalalyq kólikte (22,8%), jumys ornynda KVI naýqaspen bailanys kezinde (5,6%), shetelderden jáne ózge óńirlerden ákelingen infektsiia (2,6%) kórsetkishi osyndai boldy.
Infektsiia juqtyrýdyń jaǵdailary jas qurylym boiynsha mynadai: 20-39 jastaǵylar - 34,7%, 40-59 jastaǵylar - 28,7%, 60 jáne odan úlken jastaǵylar - 21,3%.
Infektsiialyq statsionarlarda 810 adam emdelýde, onyń ishinde 20 – bala bar, 17 naýqastyń jaǵdaiy óte aýyr, 147 naýqastyń jaǵdaiy aýyr, 644-iniń jaǵdaiy ortasha aýyr, 2 naýqastyń jaǵdaiy jeńil. Jazylyp shyqqandary – 82, aýrýhanaǵa túskenderi – 112.
Qalyptasqan jaǵdaidy eskere otyryp, qala ákimi B. Saǵyntaev qalalyqtarǵa sanitarlyq-epidemiologiialyq qaýipsizdik sharalaryn qatań saqtaý qajettigin eskertti.
Almaty ákimi tikelei efir barysynda qala turǵyndaryn tolǵandyratyn túrli saýaldarǵa, onyń ishinde joldardy salý men jóndeý, gazben jabdyqtaý, múgedekterdi qoldaý jáne megapolistiń infraqurylymyn damytý máselelerine qatysty qoiylǵan suraqtarǵa jaýap berdi.
