Almaty qalasyndaǵy epidemiologiialyq jaǵdai kúrdeli. Bul týraly onlain brifing barysynda Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin aitty, dep habarlaidy "Ult aqparat".
Onyń aitýynsha, qyrkúiek aiynda koronavirýs juqtyrǵandardyń sany tómendegen bolatyn. Alaida qazan aiynan bastap qaita kóterildi. Qazanda – 366 jaǵdai, qarashada – 1399 jaǵdai jáne jeltoqsan aiynda búgingi kúnge deiin - 1635 jaǵdai tirkelip, indettiń ósýi qarqyn aldy.
«KVI boiynsha Almaty qalasynda epidemiologiialyq jaǵdaiynyń órbýi aldyn ala boljamdaǵan mólsherge sáikes kelip otyr: jeltoqsan aiynda 1 aptada – 420 jaǵdai, 2 aptada – 460 jaǵdai, 3 aptada – 510 jaǵdai, 4 aptada - 560 jaǵdai boljam boiynsha jalpy aidyń qorytyndysymen 1900 jaǵdai jáne pessimistik boljam boiynsha 2200 jaǵdaiǵa jetýi múmkin», – dedi Jandarbek Bekshin.
Sonymen qatar, ol Almaty qalasynda, elde jáne álemde koronavirýstyq infektsiiasynyń epidemiologiialyq jaǵdaidyń kúrdeline túskenin atap ótti.
«Almaty qalasyndaǵy epidemiologiialyq jaǵdaiǵa keletin bolsaq, búgingi kúnde kúrdeli kúiinde qalyp otyr. Jyl basynan beri koronavirýstyq infektsiianyń 17790 jaǵdaiy, sondai-aq tamyz aiynan bastap esepke alynǵan etiologiiasy anyqtalmaǵan (koronavirýs) pnevmoniianyń 1349 jaǵdaiy tirkeldi», – dedi ol.
Buǵan deiin Jandarbek Bekshin jańa qaýlyǵa qol qoiǵany týraly jazǵan bolatynbyz.
