الماتى قالاسىنداعى ەپيدەميولوگييالىق جاعداي كٷردەلٸ. بۇل تۋرالى ونلاين بريفينگ بارىسىندا الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
ونىڭ ايتۋىنشا, قىركٷيەك ايىندا كوروناۆيرۋس جۇقتىرعانداردىڭ سانى تٶمەندەگەن بولاتىن. الايدا قازان ايىنان باستاپ قايتا كٶتەرٸلدٸ. قازاندا – 366 جاعداي, قاراشادا – 1399 جاعداي جەنە جەلتوقسان ايىندا بٷگٸنگٸ كٷنگە دەيٸن - 1635 جاعداي تٸركەلٸپ, ٸندەتتٸڭ ٶسۋٸ قارقىن الدى.
«كۆي بويىنشا الماتى قالاسىندا ەپيدەميولوگييالىق جاعدايىنىڭ ٶربۋٸ الدىن الا بولجامداعان مٶلشەرگە سەيكەس كەلٸپ وتىر: جەلتوقسان ايىندا 1 اپتادا – 420 جاعداي, 2 اپتادا – 460 جاعداي, 3 اپتادا – 510 جاعداي, 4 اپتادا - 560 جاعداي بولجام بويىنشا جالپى ايدىڭ قورىتىندىسىمەن 1900 جاعداي جەنە پەسسيميستٸك بولجام بويىنشا 2200 جاعدايعا جەتۋٸ مٷمكٸن», – دەدٸ جانداربەك بەكشين.
سونىمەن قاتار, ول الماتى قالاسىندا, ەلدە جەنە ەلەمدە كوروناۆيرۋستىق ينفەكتسيياسىنىڭ ەپيدەميولوگييالىق جاعدايدىڭ كٷردەلٸنە تٷسكەنٸن اتاپ ٶتتٸ.
«الماتى قالاسىنداعى ەپيدەميولوگييالىق جاعدايعا كەلەتٸن بولساق, بٷگٸنگٸ كٷندە كٷردەلٸ كٷيٸندە قالىپ وتىر. جىل باسىنان بەرٸ كوروناۆيرۋستىق ينفەكتسييانىڭ 17790 جاعدايى, سونداي-اق تامىز ايىنان باستاپ ەسەپكە الىنعان ەتيولوگيياسى انىقتالماعان (كوروناۆيرۋس) پنەۆمونييانىڭ 1349 جاعدايى تٸركەلدٸ», – دەدٸ ول.
بۇعان دەيٸن جانداربەك بەكشين جاڭا قاۋلىعا قول قويعانى تۋرالى جازعان بولاتىنبىز.
