Almatyda koronavirýs infektsiiasyn juqtyrǵandardyń sany kóbeiip keledi. Bul týraly onlain brifing barysynda Almaty qalasy boiynsha taýarlar men qyzmetterdiń sapasy men qaýipsizdigin baqylaý departamentiniń basshysy Jandarbek Bekshin aitty, dep habarlaidy "Ult aqparat".
«Qazan aiynda Almatyda koronavirýs infektsiia boiynsha epidemiologiialyq ahýal kúrdelene tústi. Osy apta ishinde oqshaýlaný 10-12 jaǵdaiǵa deiin ósý baiqalady. Tek ótken táýlik ishinde 12 jaǵdai tirkeldi, 10 jergilikti jáne 2 jaǵdai Egipetten kelgen týristerden anyqtaldy», - dedi Jandarbek Bekshin.
Sonymen qatar, ol etiologiiasy anyqtalmaǵan pnevmoniianyń 4 jaǵdaiy tirkelgenin atap ótti.
«Qazir kún saiynǵy ósim 0,5%, reprodýktivti koeffitsient 1,06%. Eger indeks máni 1-den kóp bolsa, bul epidemiianyń ósip kele jatqandyǵyn bildiredi», – dedi Almaty qalasynyń bas memlekettik sanitar dárigeri Jandarbek Bekshin.
