Almaty qalasy ákiminiń orynbasary Erjan Babaqumarov pen qalanyń memlekettik bas sanitarlyq dárigeri Jandarbek Bekshinmen COVID-19 zertteý júrgizetin alty zerthananyń basshylarymen videokonferentsiia ótkizdi, dep habarlaidy QazAqparat.
Onlain kezdesýde Memleket basshysynyń turǵyndardy koronavirýs infektsiiasyna testileý kólemin arttyrý jónindegi tapsyrmalaryn oryndaý barysy qaraldy. Búginde Almatyda júrgiziletin zertteýler sanyn kúnine 2,5 myń testke deiin jetkizý mindeti tur. Sondai-aq zerthanalardyń fýnktsiialaryn shekteý jáne zertteletin tulǵalar kontingenti boiynsha mobildi brigadalardy bólý máseleleri talqylandy.
COVID-19 diagnostikasy boiynsha júrgizilgen jumystar týraly Almaty qalasynyń memlekettik bas sanitarlyq dárigeri Jandarbek Bekshin baiandady. Búginde Almaty qalasynda PTR ádisimen koronavirýsty diagnostikalaýdy 6 zerthana júzege asyrady: Ulttyq saraptama ortalyǵy, sanitarlyq-epidemiologiialyq saraptama jáne monitoring ǵylymi-praktikalyq ortalyǵy, M. Aiqymbaev atyndaǵy asa qaýipti infektsiialar ulttyq ǵylymi ortalyǵy, Ortalyq referens zerthana, sondai-aq Qazaqstan-Korei klinikasy men «Olimp» KDZ.
Almatyda PTR ádisimen barlyǵy 42 myńnan astam test ótkizildi. Júrgiziletin zertteýler sanynyń kórsetkishi josparly túrde óskeni baiqalady. Test alýdyń maksimaldy qýattylyǵy kúnine 1 900 bolǵanyna qaramastan, sońǵy 7 kúnniń ishinde qalada ortasha eseppen 2 155 test júrgizildi. Test alý jumysyna barlyǵy 300 qyzmetker jumyldyrylǵan. Sonymen qatar, zerthanalarda nysandar men aýrý oshaqtary aimaǵyna barýǵa arnalǵan mobildi brigadalar da qyzmet etedi.
Almaty qalasy ákiminiń orynbasary Erjan Babaqumarov testilerdiń úzdiksiz alynyp, onyń qýattylyǵyn ulǵaitý úshin zerthanalardy qajetti materialdarmen qamtamasyz etý máselesin kóterdi.
«Testileý kólemin arttyrý jónindegi Memleket basshysy buiryǵyn oryndaý maqsatynda mamandar áleýetin arttyrý jáne qosymsha meditsinalyq brigadalar qurý qajet», – dep atap ótti E. Babaqumarov.
Almaty qalasy boiynsha Taýarlar men qyzmetterdiń sapasy men qaýipsizdigin baqylaý departamenti Qoǵamdyq densaýlyq saqtaý basqarmasymen birlese otyryp, alǵashqy meditsinalyq-sanitarlyq kómek kórsetý uiymdarynyń qyzmetkerlerin zertteý materialdaryn alý ádistemelerine oqytý josparyn jasaý tapsyryldy.
