الماتى قالاسى ەكٸمٸنٸڭ ورىنباسارى ەرجان باباقۇماروۆ پەن قالانىڭ مەملەكەتتٸك باس سانيتارلىق دەرٸگەرٸ جانداربەك بەكشينمەن COVID-19 زەرتتەۋ جٷرگٸزەتٸن التى زەرتحانانىڭ باسشىلارىمەن ۆيدەوكونفەرەنتسييا ٶتكٸزدٸ, دەپ حابارلايدى قازاقپارات.
ونلاين كەزدەسۋدە مەملەكەت باسشىسىنىڭ تۇرعىنداردى كوروناۆيرۋس ينفەكتسيياسىنا تەستٸلەۋ كٶلەمٸن ارتتىرۋ جٶنٸندەگٸ تاپسىرمالارىن ورىنداۋ بارىسى قارالدى. بٷگٸندە الماتىدا جٷرگٸزٸلەتٸن زەرتتەۋلەر سانىن كٷنٸنە 2,5 مىڭ تەستكە دەيٸن جەتكٸزۋ مٸندەتٸ تۇر. سونداي-اق زەرتحانالاردىڭ فۋنكتسييالارىن شەكتەۋ جەنە زەرتتەلەتٸن تۇلعالار كونتينگەنتٸ بويىنشا موبيلدٸ بريگادالاردى بٶلۋ مەسەلەلەرٸ تالقىلاندى.
COVID-19 دياگنوستيكاسى بويىنشا جٷرگٸزٸلگەن جۇمىستار تۋرالى الماتى قالاسىنىڭ مەملەكەتتٸك باس سانيتارلىق دەرٸگەرٸ جانداربەك بەكشين باياندادى. بٷگٸندە الماتى قالاسىندا پتر ەدٸسٸمەن كوروناۆيرۋستى دياگنوستيكالاۋدى 6 زەرتحانا جٷزەگە اسىرادى: ۇلتتىق ساراپتاما ورتالىعى, سانيتارلىق-ەپيدەميولوگييالىق ساراپتاما جەنە مونيتورينگ عىلىمي-پراكتيكالىق ورتالىعى, م. ايقىمباەۆ اتىنداعى اسا قاۋٸپتٸ ينفەكتسييالار ۇلتتىق عىلىمي ورتالىعى, ورتالىق رەفەرەنس زەرتحانا, سونداي-اق قازاقستان-كورەي كلينيكاسى مەن «وليمپ» كدز.
الماتىدا پتر ەدٸسٸمەن بارلىعى 42 مىڭنان استام تەست ٶتكٸزٸلدٸ. جٷرگٸزٸلەتٸن زەرتتەۋلەر سانىنىڭ كٶرسەتكٸشٸ جوسپارلى تٷردە ٶسكەنٸ بايقالادى. تەست الۋدىڭ ماكسيمالدى قۋاتتىلىعى كٷنٸنە 1 900 بولعانىنا قاراماستان, سوڭعى 7 كٷننٸڭ ٸشٸندە قالادا ورتاشا ەسەپپەن 2 155 تەست جٷرگٸزٸلدٸ. تەست الۋ جۇمىسىنا بارلىعى 300 قىزمەتكەر جۇمىلدىرىلعان. سونىمەن قاتار, زەرتحانالاردا نىساندار مەن اۋرۋ وشاقتارى ايماعىنا بارۋعا ارنالعان موبيلدٸ بريگادالار دا قىزمەت ەتەدٸ.
الماتى قالاسى ەكٸمٸنٸڭ ورىنباسارى ەرجان باباقۇماروۆ تەستٸلەردٸڭ ٷزدٸكسٸز الىنىپ, ونىڭ قۋاتتىلىعىن ۇلعايتۋ ٷشٸن زەرتحانالاردى قاجەتتٸ ماتەريالدارمەن قامتاماسىز ەتۋ مەسەلەسٸن كٶتەردٸ.
«تەستٸلەۋ كٶلەمٸن ارتتىرۋ جٶنٸندەگٸ مەملەكەت باسشىسى بۇيرىعىن ورىنداۋ ماقساتىندا ماماندار ەلەۋەتٸن ارتتىرۋ جەنە قوسىمشا مەديتسينالىق بريگادالار قۇرۋ قاجەت», – دەپ اتاپ ٶتتٸ ە. باباقۇماروۆ.
الماتى قالاسى بويىنشا تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ قوعامدىق دەنساۋلىق ساقتاۋ باسقارماسىمەن بٸرلەسە وتىرىپ, العاشقى مەديتسينالىق-سانيتارلىق كٶمەك كٶرسەتۋ ۇيىمدارىنىڭ قىزمەتكەرلەرٸن زەرتتەۋ ماتەريالدارىن الۋ ەدٸستەمەلەرٸنە وقىتۋ جوسپارىن جاساۋ تاپسىرىلدى.
