Almatyda Jasyl ekonomika basqarmasy «Medeý» men «Shymbulaq» taý shańǵysy kýrortyna kedergisiz jetý úshin toqpen júretin kólikterdi tirkeý boiynsha elektrondy onlain servisti ashty, dep habarlaidy "Ult aqparat".
Buǵan deiin elektrokarlardyń ieleri buryn Medeý parkiniń ofisine baryp ótinish jazýy kerek bolǵan.
«Jańa serviste jai ǵana formany toltyrsa bolady. Keshke deiin kólik elektrondy málimetter bazasynda turady. «Medeý» muz aidynyndaǵy shlagbaýym avtomatty túrde kólikterdi ótkizetin bolady. Onlain ótinimdi www.almatyeco.gov.kz saitynda qaldyrýǵa bolady», - dedi Jasyl ekonomika jáne qoǵamdyq úgit nasihat qyzmetiniń basshysy A. Raiymbaev.
Aita ketý kerek, 2016 jyldan bastap Shymbulaq taý shańǵysy kýrorty aimaǵyna kólikterdiń kirýine tyiym salynǵan bolatyn.
Al elektr togymen júretin kólikterge taý bókterine kirýine ruqsat berilgen.
Ol úshin taý shańǵysy kýrortynda qajetti infraqurylym qalyptastyrylǵan. Medeý muz aidyny territoriiasynda - 4 zariadtaý stansasy, al «Shymbulaq» taý shańǵysy kýrortynda 3 zariadtaý stansasy bar.
