Almatyda elektrli samokattarmen jaiaý júrginshiler jolaǵynda, saiabaqtarda jáne buqaralyq is-sharalar ótetin qoǵamdyq oryndarda júrýge tyiym salyndy, dep habarlaidy Ulysmedia.kz.
Almaty qalasynyń ákimdigi men elektrli samokattardy jalǵa beretin operatorlar arasynda qol qoiylǵan memorandýmǵa sáikes, qala aýmaǵynda elektrli samokattardyń jyldamdyǵy – 25 km/saǵ bolyp bekitildi. Sondai-aq, elektrli samokattardy tek 16 jasqa tolǵan tulǵalar ǵana jalǵa ala alady.
Operatorlar metro men qoǵamdyq oryndardyń kireberisinde, kógalda, kólik jáne jaiaý júrginshiler jolaǵynda qaldyrylǵan elektrli samokattardyń birden arnaiy oryndarǵa jetkizilýin qamtamasyz etýi tiis. Ol úshin qalada elektrli samokattarǵa arnalǵan turaq aýmaqtary uiymdastyrylady. Kelesi jyldyń sońyna deiin elektrli samokattarǵa arnalǵan 3 000 turaq ornyn uiymdastyrý josparda.
Sondai-aq taraptar servis jumysyn qys mezgilinde aýa raiyna bailanysty júrgizýdiń naqty sharttaryn belgiledi. Mysaly 15 jeltoqsannan 20 aqpanǵa deiin ortasha aýa temperatýrasy 2 gradýstan tómendegen jaǵdaida jalǵa berý aýmaǵy qysqarady ári elektrli samokattardyń 10%-y ǵana jalǵa beriledi.
Atalǵan memorandým sharttarynda kórsetilgen barlyq pýnkterdi júzege asyrý nátijesinde elektrli samokattardyń qoldanysyn retteý, qaýipsizdik deńgeiin arttyrý, tiisti infraqurylymdy damytýdy qamtamasyz etý josparlanǵan.
Jalpy, mikromobildi kóliktiń, onyń ishinde elektrli samokattardyń damýy qorshaǵan ortany lastaý deńgeii men jeke kólikpen júrý jiiligin tómendetýge áser etetindigi, bul óz kezeginde, qala kósheleriniń júktemesin tómendetýge de yqpal etetindigi atalyp ótti. Kún saiyn qalada elektrli samokattarmen 100 myńǵa jýyq qozǵalys qamtamasyz etiledi.
Aita keteiik, búginde Almatyda 4 kompaniia (Ozim, Jet, Eleven, Whoosh) 15 myń samokatty jalǵa berý qyzmetin usynady.
