Almatylyqtar elektr qýatynyń jii óshiriletinine shaǵymdana bastady. Ákimdik onyń sebebin túsindirdi, dep habarlaidy "Ult aqparat"
Almaty qalasy Energotiimdilik jáne infraqurylymdyq damý basqarmasynyń basshysy Aidar Berkimbaevtyń aitýynsha, qaladaǵy elektr jelileri tozǵan. Sondyqtan apattar jii bolady. «Alataý Jaryq Kompaniiasy» AQ jóndeý qyzmeti shuǵyl jumys isteidi. Ár aýdanda jedel qyzmet kórsetý jasaǵy bar.
«Qaladaǵy apattardyń barlyǵy bizdiń baqylaýymyzda. Bir saǵattyń ishinde apatty anyqtap, tez arada elektr qýatyn iske qosýǵa tyrysamyz.Elektr energiiasy turaqty, jyl boiy, táýlik boiy jumys isteidi. Apattyń túrleri kóp. Eń bastysy, bizdiń qalamyzdaǵy barlyq apattar bir saǵatta qalpyna keltiriledi», - dedi Aidar Berkimbaev.
