Foto: Almaty qalasynyń ákimdigi
Medeý aýdanyndaǵy káýaphanalardy sanitarlyq-epidemiologiialyq qyzmet mamandary tekserdi, dep habarlaidy Almaty qalasynyń sanitariialyq-epidemiologiialyq baqylaý departamenti.
Almaty qalasynyń sanitariialyq-epidemiologiialyq baqylaý departamenti bes dámhanaǵa jospardan tys tekserý júrgizdi. Sonyń ishinde tórt nysannan buzýshylyq anyqtaldy, bir fakti boiynsha is materialdary sotqa joldandy. Salynǵan aiyppuldyń jalpy somasy 1,2 mln teńgeden asty.
Sonymen qatar "Eco Almaty" JShS-niń qorshaǵan ortany qorǵaý jáne ekologiia bólimi tabiǵatty qorǵaý politsiiasymen birge birneshe nysandaǵy tútin shyǵarý faktileri boiynsha profilaktikalyq jumys júrgizdi.
Baqylaý barysynda "Grýzinskii dvor" dámhanasynda (Qabanbai batyr kóshesi, 8), sondai-aq Qabanbai batyr kóshesi, 15 mekenjaiynda ornalasqan "Modi" dámhanasynda kómirmen janatyn mangal qoldanylǵany tirkeldi. Jaqyn mańdaǵy úilerdiń turǵyndary qatty tútin men iis shyǵarǵan bul qoǵamdyq tamaqtaný oryndaryna shaǵymdanǵan.
"Eco Almaty" mamandary kásipkerlermen "Almaty qalasynyń aýmaǵyn kóriktendirý qaǵidalaryn" qatań saqtaý qajettigi týraly túsindirý jumystaryn júrgizdi. Olarǵa ekologiialyq jáne sanitarlyq talaptar jóninde eskertildi. Atap aitqanda, qatty otyndy paidalanýǵa tyiym salynǵany, al gazben jumys isteitin jabdyq qoldanylǵan jaǵdaida súzgiler ornatý mindetti ekeni túsindirildi. Sondai-aq, mundai quqyqbuzýshylyq úshin jaýapkershilik bar ekeni aityldy.
Aita keteiik, káýaphanalar, qoǵamdyq tamaqtaný oryndary jáne monsha nysandaryna tekserý qalada turaqty negizde júrgiziledi. Mundai oryndar kóbine shamadan tys tútin men jaǵymsyz iis shyǵaryp, jaqyn mańdaǵy turǵyndarǵa qolaisyzdyq týdyrady. Ekologtardyń baqylaýy atmosferalyq aýany qorǵaý jáne sanitarlyq normalardyń saqtalýyn qamtamasyz etý jónindegi is-sharalar jospary aiasynda júrgiziledi.
