فوتو: الماتى قالاسىنىڭ ەكٸمدٸگٸ
مەدەۋ اۋدانىنداعى كەۋاپحانالاردى سانيتارلىق-ەپيدەميولوگييالىق قىزمەت ماماندارى تەكسەردٸ, دەپ حابارلايدى الماتى قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ.
الماتى قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ بەس دەمحاناعا جوسپاردان تىس تەكسەرۋ جٷرگٸزدٸ. سونىڭ ٸشٸندە تٶرت نىساننان بۇزۋشىلىق انىقتالدى, بٸر فاكتٸ بويىنشا ٸس ماتەريالدارى سوتقا جولداندى. سالىنعان ايىپپۇلدىڭ جالپى سوماسى 1,2 ملن تەڭگەدەن استى.
سونىمەن قاتار "Eco Almaty" جشس-نٸڭ قورشاعان ورتانى قورعاۋ جەنە ەكولوگييا بٶلٸمٸ تابيعاتتى قورعاۋ پوليتسيياسىمەن بٸرگە بٸرنەشە نىسانداعى تٷتٸن شىعارۋ فاكتٸلەرٸ بويىنشا پروفيلاكتيكالىق جۇمىس جٷرگٸزدٸ.
باقىلاۋ بارىسىندا "گرۋزينسكيي دۆور" دەمحاناسىندا (قابانباي باتىر كٶشەسٸ, 8), سونداي-اق قابانباي باتىر كٶشەسٸ, 15 مەكەنجايىندا ورنالاسقان "Modi" دەمحاناسىندا كٶمٸرمەن جاناتىن مانگال قولدانىلعانى تٸركەلدٸ. جاقىن ماڭداعى ٷيلەردٸڭ تۇرعىندارى قاتتى تٷتٸن مەن يٸس شىعارعان بۇل قوعامدىق تاماقتانۋ ورىندارىنا شاعىمدانعان.
"Eco Almaty" ماماندارى كەسٸپكەرلەرمەن "الماتى قالاسىنىڭ اۋماعىن كٶرٸكتەندٸرۋ قاعيدالارىن" قاتاڭ ساقتاۋ قاجەتتٸگٸ تۋرالى تٷسٸندٸرۋ جۇمىستارىن جٷرگٸزدٸ. ولارعا ەكولوگييالىق جەنە سانيتارلىق تالاپتار جٶنٸندە ەسكەرتٸلدٸ. اتاپ ايتقاندا, قاتتى وتىندى پايدالانۋعا تىيىم سالىنعانى, ال گازبەن جۇمىس ٸستەيتٸن جابدىق قولدانىلعان جاعدايدا سٷزگٸلەر ورناتۋ مٸندەتتٸ ەكەنٸ تٷسٸندٸرٸلدٸ. سونداي-اق, مۇنداي قۇقىقبۇزۋشىلىق ٷشٸن جاۋاپكەرشٸلٸك بار ەكەنٸ ايتىلدى.
ايتا كەتەيٸك, كەۋاپحانالار, قوعامدىق تاماقتانۋ ورىندارى جەنە مونشا نىساندارىنا تەكسەرۋ قالادا تۇراقتى نەگٸزدە جٷرگٸزٸلەدٸ. مۇنداي ورىندار كٶبٸنە شامادان تىس تٷتٸن مەن جاعىمسىز يٸس شىعارىپ, جاقىن ماڭداعى تۇرعىندارعا قولايسىزدىق تۋدىرادى. ەكولوگتاردىڭ باقىلاۋى اتموسفەرالىق اۋانى قورعاۋ جەنە سانيتارلىق نورمالاردىڭ ساقتالۋىن قامتاماسىز ەتۋ جٶنٸندەگٸ ٸس-شارالار جوسپارى اياسىندا جٷرگٸزٸلەدٸ.
