Almaty bas sanitarlyq dárigerdiń qaýlysyn buzǵany úshin eki saýda oiyn-saýyq ortalyǵynyń basshylyǵyna aiyppul salyndy, dep habarlaidy "Ult aqparat".
«Olardyń biri Almaly aýdanynda M.Maqataev kóshesinde ornalasqan «MEGA Park» saýda oiyn-saýyq ortalyǵyna 2 222 400 teńge kóleminde aiyppul salynsa, Bostandyq aýdanynda Rozybakiev kóshesinde ornalasqan «MEGA Park» saýda oiyn-saýyq ortalyǵyna 2 222 400 teńge kóleminde aiyppul salyndy», - dedi departamentten.
Odan bólek 29 qazanda monitoring toptary 73 tekserý júrgizgen. 18 nysanda zańbuzýshylyq tirkeldi. Atap aitqanda, maska rejimin buzǵany úshin 15 ákimshilik hattama toltyrylyp, 625 050 teńge kóleminde aiyppul salyndy.
Alataý aýdanynda birqatar qyzmet kórsetý oryndary, sán salony, dúkender, avtojýý oryndarynda sanitaizerler joq bolyp shyqty.
Almaly aýdanynda «Easy Lounge» kalian ortalyǵy men «Infinity» túngi klýbynyń jumysyna ýaqytsha tyiym salyndy.
M.Áýezov aýdanynda «Motor» bary, Raiymbek dańǵylyndaǵy 496a/7 mekenjaiyndaǵy «Optovyi himikat» ǵimaratynda qyzmetkerler maska taqpaǵan.
Túrksib aýdanynda «Sensaziia» kafesinda banket bolǵan.
Naýryzbai aýdanynda «Ińkár sezim» dúkeninde maska rejimi buzylǵan.
Jetisý aýdanynda «Ialian» jáne «Ialian-2», «Baisat» bazarlarynda qyzmetkerleri men kelýshilerde de maska joq. Sanitaizerler joq.
Bas sanitarlyq dárigerdiń qaýlysyndaǵy sharttardy buzǵan kásipkerler QR ÁqbK 425-babymen ákimshilik jaýapkershilikke tartylady.
