الماتى باس سانيتارلىق دەرٸگەردٸڭ قاۋلىسىن بۇزعانى ٷشٸن ەكٸ ساۋدا ويىن-ساۋىق ورتالىعىنىڭ باسشىلىعىنا ايىپپۇل سالىندى, دەپ حابارلايدى "ۇلت اقپارات".
«ولاردىڭ بٸرٸ المالى اۋدانىندا م.ماقاتاەۆ كٶشەسٸندە ورنالاسقان «MEGA Park» ساۋدا ويىن-ساۋىق ورتالىعىنا 2 222 400 تەڭگە كٶلەمٸندە ايىپپۇل سالىنسا, بوستاندىق اۋدانىندا روزىباكيەۆ كٶشەسٸندە ورنالاسقان «MEGA Park» ساۋدا ويىن-ساۋىق ورتالىعىنا 2 222 400 تەڭگە كٶلەمٸندە ايىپپۇل سالىندى», - دەدٸ دەپارتامەنتتەن.
ودان بٶلەك 29 قازاندا مونيتورينگ توپتارى 73 تەكسەرۋ جٷرگٸزگەن. 18 نىساندا زاڭبۇزۋشىلىق تٸركەلدٸ. اتاپ ايتقاندا, ماسكا رەجيمٸن بۇزعانى ٷشٸن 15 ەكٸمشٸلٸك حاتتاما تولتىرىلىپ, 625 050 تەڭگە كٶلەمٸندە ايىپپۇل سالىندى.
الاتاۋ اۋدانىندا بٸرقاتار قىزمەت كٶرسەتۋ ورىندارى, سەن سالونى, دٷكەندەر, اۆتوجۋۋ ورىندارىندا سانيتايزەرلەر جوق بولىپ شىقتى.
المالى اۋدانىندا «Easy Lounge» كاليان ورتالىعى مەن «Infinity» تٷنگٸ كلۋبىنىڭ جۇمىسىنا ۋاقىتشا تىيىم سالىندى.
م.ەۋەزوۆ اۋدانىندا «موتور» بارى, رايىمبەك داڭعىلىنداعى 496ا/7 مەكەنجايىنداعى «وپتوۆىي حيميكات» عيماراتىندا قىزمەتكەرلەر ماسكا تاقپاعان.
تٷركسٸب اۋدانىندا «سەنسازييا» كافەسٸندا بانكەت بولعان.
ناۋرىزباي اۋدانىندا «ٸڭكەر سەزٸم» دٷكەنٸندە ماسكا رەجيمٸ بۇزىلعان.
جەتٸسۋ اۋدانىندا «ياليان» جەنە «ياليان-2», «بايسات» بازارلارىندا قىزمەتكەرلەرٸ مەن كەلۋشٸلەردە دە ماسكا جوق. سانيتايزەرلەر جوق.
باس سانيتارلىق دەرٸگەردٸڭ قاۋلىسىنداعى شارتتاردى بۇزعان كەسٸپكەرلەر قر ەقبك 425-بابىمەن ەكٸمشٸلٸك جاۋاپكەرشٸلٸككە تارتىلادى.
