Foto: ashyq derekkóz
Almatyda eki oqýshy qyzdyń óliminen keiin kópqabatty úilerdiń barlyq shatyry tekseriledi, dep habarlaidy "Ult aqparat".
Kommýnaldyq infraqurylymdy damytý basqarmasynyń habarlaýynsha, kóppáterli turǵyn úilerdiń barlyq basqarý ákimshiligine (KSK, OSI, PT, JShS) qaýipsizdik sharalaryn kúsheitý, onyń ishinde shatyrlarǵa shyǵýdy shekteý týraly hat joldandy.
"Basshylyq aýdan ákimdikterimen, basqarýshy kompaniialarmen birlesip, kóppáterli turǵyn úilerdiń shatyrlaryna kirýge qoiylǵan shekteýlerdi tekserýdi bastady. Budan bylai shatyrlarǵa tek basqarýshy kompaniianyń ruqsatymen, arnaiy kiltpen kóterile alady", – dep habarlady vedomstvonyń baspasóz qyzmeti.
Eske salsaq, buǵan deiin Almatyda eki oqýshy qyz toǵyzynshy qabattan qulap mert bolǵany týraly jazǵan edik. Osy jaittan soń Almatydaǵy balalar ombýdsmeni ata-analarǵa úndeý jasady.
