فوتو: اشىق دەرەككٶز
الماتىدا ەكٸ وقۋشى قىزدىڭ ٶلٸمٸنەن كەيٸن كٶپقاباتتى ٷيلەردٸڭ بارلىق شاتىرى تەكسەرٸلەدٸ, دەپ حابارلايدى "ۇلت اقپارات".
كوممۋنالدىق ينفراقۇرىلىمدى دامىتۋ باسقارماسىنىڭ حابارلاۋىنشا, كٶپپەتەرلٸ تۇرعىن ٷيلەردٸڭ بارلىق باسقارۋ ەكٸمشٸلٸگٸنە (كسك, وسي, پت, جشس) قاۋٸپسٸزدٸك شارالارىن كٷشەيتۋ, ونىڭ ٸشٸندە شاتىرلارعا شىعۋدى شەكتەۋ تۋرالى حات جولداندى.
"باسشىلىق اۋدان ەكٸمدٸكتەرٸمەن, باسقارۋشى كومپانييالارمەن بٸرلەسٸپ, كٶپپەتەرلٸ تۇرعىن ٷيلەردٸڭ شاتىرلارىنا كٸرۋگە قويىلعان شەكتەۋلەردٸ تەكسەرۋدٸ باستادى. بۇدان بىلاي شاتىرلارعا تەك باسقارۋشى كومپانييانىڭ رۇقساتىمەن, ارنايى كٸلتپەن كٶتەرٸلە الادى", – دەپ حابارلادى ۆەدومستۆونىڭ باسپاسٶز قىزمەتٸ.
ەسكە سالساق, بۇعان دەيٸن الماتىدا ەكٸ وقۋشى قىز توعىزىنشى قاباتتان قۇلاپ مەرت بولعانى تۋرالى جازعان ەدٸك. وسى جايتتان سوڭ الماتىداعى بالالار ومبۋدسمەنٸ اتا-انالارعا ٷندەۋ جاسادى.
