Foto: Orda.kz
Almatyda eki avtobýs soqtyǵysyp, bir adam qaza tapty, - dep habarlaidy "Ult aqparat".
Áleýmettik jelide Tóle bi kóshesi men Abylai han dańǵyly qiylysynda bolǵan jantúrshigerlik jol apatynyń kadrlary paida boldy.
Almaty qalalyq Politsiia departamentiniń dereginshe, 98 jáne 201-shi baǵyttaǵy eki qoǵamdyq kóliktiń soqtyǵysýy saldarynan bir adam qaza taýyp, aldyn ala málimet boiynsha 15 adam jaraqat alǵan.
Atalǵan derek QR QK-niń 345-baby 3-bóligi boiynsha sotqa deiingi tergeýdiń biryńǵai tizilimine tirkelgen. Saraptamalar taǵaiyndaldy.
Keiinirek zardap shekkender sany artqany belgili boldy.
Densaýlyq saqtaý basqarmasy málimetinshe, 17 adam túrli dene jaraqatymen qalalyq aýrýhanalarǵa jetkizilgen. Apat saldarynan barlyǵy 19 adam zardap shekken, bireýi meditsinalyq kómekten bas tartqan. Bir jábirlenýshi jedel járdem kelgenshe qaza bolǵan.
