Almaty qalasy ákiminiń orynbasary Saparbek Tuiaqbaev 27 sáýirden bastap qaladaǵy qandai uiymdarǵa jumys isteýge ruqsat etilgeni týraly aitty, dep habarlaidy QazAqparat.
«Búgin Almaty qalasynda ekonomikanyń birqatar salalaryn qalpyna keltirýdiń ekinshi kezeńi bastaldy. Atap aitqanda, karantin kezinde keibir salalar shekteýli rejimde jumys jasady: kólik, qoima, aqparattyq jáne kommýnikatsiialyq tehnologiialar. Bul sektorlar tolyǵymen ashylady. Bul salalardaǵy barlyq kásiporyndarǵa erteń jumysqa shyǵýǵa ruqsat etilgen «, - dedi Almaty qalasy ákiminiń orynbasary Saparbek Tuiaqbaev onlain-brifing barysynda.
Sonymen qatar, 50% deiin qarjy sektoryna ruqsat beriledi. Onyń ishinde ekinshi deńgeili bankter, mikroqarjy uiymdary,saqtandyrý kompaniialary, brokerlik uiymdar jáne lombardatar, aqsha aiyrbastaý pýkterin qospaǵanda.
«Lombardtarǵa tutynýshylardy qabyldaýsyz, tek ýákiletti organda eseptik tirkeýden ótýge ruqsat beriledi. Sondai-aq, bizneske arnalǵan kásibi qyzmet kóresetý salasynda: konsaltingtik qyzmeter, aýdit, býhgalterlik, zańgerlik. Bul sektorda kompaniia qyzmetkerleriniń 50% -na deiin jumys isteýge bolady. Sonymen qatar, taýarlardy úilerine jetkizip beretin kompaniialarǵa ruqsat bar», - dep tolyqtyrdy ákim orynbasary.
Sondai-aq, ol STO, dóńǵalaq aiyrbastaý, kólik jýý, orgtehnika men turmystyq tehnikany jóndeitin ortalyqtar, jarnama agenttikteri, avtosalondardyń klientterge kólik satpai tehnikalyq qyzmet kórsetýine bolady. Kólik jýý jáne avtosalondar aldyn ala jazylý boiynsha jumys isteýi kerek.
«Ruqsat berilgen kásiporyndarǵa eki aptada 90 myńǵa jýyq adam jumysqa shyǵady dep kútilýde», - dedi Saparbek Tuiaqbaev.
