Foto: Polisia.kz
Almatyda Djennifer Lopestiń kontsertine jalǵan biletter satqan kúdikti ustaldy, dep habarlaidy Ult.kz.
Almaty qalasy PD-nyń kiberqylmystarǵa qarsy kúres basqarmasy, Bostandyq aýdandyq politsiia basqarmasynyń qyzmetkerlerimen birlese otyryp, ótken jeksenbide ótken Djennifer Lopestiń kontsertine jalǵan biletter satý deregi boiynsha kúdikti er adamdy ustady.
Tergeý barysynda kúdiktiniń internet-platformalardyń birinde habarlandyrý jariialap, kontsertke eki jalǵan bilet satqandyǵy belgili boldy.
— Azamattardyń aqshasyn aldaý jolymen iemdenýge tyrysqan adamdar anyqtalyp, jaýapkershilikke tartylatyn bolady. Osyndai jaǵdailarǵa tap bolmas úshin biletterdi tek resmi saittardan nemese senimdi kassalardan satyp alýdy qatań túrde usynamyz, – dedi Almaty qalasy PD kiberqylmysqa qarsy kúres basqarmasy bastyǵynyń orynbasary Erkebulan Qoishybaev.
Alaiaqtyq deregi boiynsha qylmystyq is qozǵaldy. Kúdikti qamaýǵa alyndy.
