Óńirlik kommýnikatsiialar qyzmeti alańynda ótken onlain-brifing barysynda Almaty qalasy Almaly aýdany ákiminiń orynbasary Erden Hairýllin aýdanda júzege asyrylyp jatqan áleýmettik jobalar týraly aityp berdi, dep habarlaidy "Ult aqparat".
Memleket basshysy Qasym-Jomart Toqaev Qazaqstan halqyna joldaýynda óskeleń urpaqtyń sporttyq, shyǵarmashylyq áleýetine erekshe nazar aýdarý qajettigin atap ótken bolatyn.
«Baqytjan Saǵyntaevtyń tapsyrmasy boiynsha «Shyńǵa Órleý» áleýmettik jobasy júzege asyrylýda, onyń maqsaty – jaǵdaiy tómen otbasylardan shyqqan bastaýysh synyptarda oqityn balalardy aǵa býyn ókilderiniń tárbiesine baýlý», — dep atap ótti E. Hairýllin.
Sondai-aq Almaly aýdanynda aýdany 100 sharshy metr bolatyn «Asyl Mura» dombyra ortalyǵyn ashý josparlanýda. Munda dombyrany Qurmanǵazy atyndaǵy konservatoriianyń oqytýshylary tegin úiretetin bolady.
«2020 jyldyń 9 aiynda áleýmettik jaýapkershilik aiasynda 8 balalar alańy, 9 sport alańy jáne boks alańy (Gagarin dańǵylyndaǵy býlvar, somasy 6 mln tg) salyndy. Halyqty jumyspen qamtý jáne shaǵyn jáne orta biznesti qoldaý máseleleri barlyq deńgeidegi ákimder qyzmetiniń basty basymdyǵy. Dál osy baǵyt boiynsha jumyspen qamtý jáne kásipkerlikti qoldaý máseleleri boiynsha «Almaly» halyqqa qyzmet kórsetý ortalyǵyn ashýǵa bastama jasaldy, ol 2020 jyldyń qyrkúieginen bastap jumys isteidi jáne óz isin ashý jáne damytý kezinde konsaltingtik qyzmetterdi alýda qolaily etip «bir tereze» formatynda jasalǵan, sondai-aq memlekettik qoldaý túrleri men quraldary, biznes júrgizýdiń ózekti máseleleri boiynsha aqparattyndyrýda halyqtyń oń pikirlerine ie»,– deidi spiker.
