Almatyda dizainer Sábit Bisen kisi qolynan qaza tapty, dep habarlaidy "Ult aqparat".
Dizainerdiń qazasy týraly onyń dostary men áriptesteri áleýmettik jelide habarlady.
Almaty qalalyq Politsiia departamentiniń málimetinshe, soqqyǵa jyǵylǵan adam týraly aqparat politsiiaǵa 18 qazanda túngi saǵat ekiler shamasynda túsken. «102» pýltine qońyraý shalýshynyń aitýynsha, belgisiz er adamdar aldymen aýlada janjaldasqan, sodan keiin tóbeles bastalǵan, nátijesinde olardyń biri jerge qulap, ekinshisi qylmys ornynan qashyp ketken.
«Oqiǵa ornyna kelgen, meditsinalyq brigada er adamnyń kóz jumǵanyn aitty. Onyń jeke basy birden anyqtaldy - 1989 jyly týǵan B. degen azamat. Osy qylmysqa qatysy bar degen kúdikpen 1991 jyly týǵan D. atty azamat ustaldy. Ol kinásin birden moiyndady. Belgili bolǵandai, dizainer kúdiktiniń qaryndasynnyń jigiti bolǵan», – dep habarlady qalalyq Politsiia departamentiniń baspasóz qyzmeti.
Kúdikti ýaqytsha ustaý izoliatoryna qamaldy.
«Bul fakt Bostandyq aýdandyq politsiia basqarmasynda QR QK 99-baby, 1-bólimi boiynsha tergelýde. Tergeý amaldary Politsiia departamenti basshylyǵynyń baqylaýynda», – dep atap ótti politsiiadan.
