Foto: uiymdastyrýshylardan
Almatyda Disney stýdiiasynyń «Lilo men Stich» filminiń qazaq tilindegi tusaýkeser kórsetilimi ótti. Oǵan elimizge tanymal tulǵalar, qoǵam qairatkerleri, kásipkerler men depýtattar, dýbliaj akterlary men blogerler, BAQ ókilderi qatysty, dep habarlaidy Ult.kz.
Bul – Disney-diń qazaq tilinde «sóiletken» besinshi filmi. Filmderdi túrli elderge beiimdep, dýbliajdaý – Disney kompaniiasynda burynnan qalyptasqan úrdis. Disney jyl saiyn ár filmniń túrli tilderdegi 40-ǵa jýyq nusqasyn daiyndaidy. «Qazaq tili» qoǵamynyń uiytqy bolýymen byltyrdan bastap iri halyqaralyq stýdiialar álemdik premeralaryn qazaq tilinde usyna bastady. Osy bastama aiasynda Disney stýdiiasy 2024 jyly «Oijumbaq 2», «Moana 2», «Mýfasa. Arystan patsha» dep atalatyn úsh filmin qazaq tiline aýdaryp, dýbliaj jumystaryn qarjylandyrdy. Biyl naýryzda «Aqshaqar» týyndysy usynylǵan bolatyn.
Kórsetilimge dýbliaj akterlarynyń tolyq quramy, tanymal tulǵalar qatysty. Olar: Disney stýdiiasynyń «Lilo men Stich» filminiń qazaq jáne orys tilindegi dýbliaj rejisseri ári Stichtiń daýysy – Shah-Murat Ordabaev, Nani keiipkerin dybystaǵan kino jáne teatr aktrisasy, dizainer, bloger jáne qoǵam belsendisi – Aijuldyz Adaibekqyzy, Pliklidiń daýysyn bergen teleradio júrgizýshi, ánshi, akter jáne diktor – Qazbek Qasym, Devidtiń daýysyn salǵan stendap-komik – Rýslan Tai.
Kórermenderge filmdi Meloman Entertainment kinokompaniiasynyń distribýtsiia direktory Maksim Kolodkin men Halyqaralyq «Qazaq tili» qoǵamynyń prezidenti Raýan Kenjehanuly tanystyrdy.
Dýbliaj akterlarynyń suhbattaryn myna jerden kóre alasyz:
· Aijuldyz Adaibekqyzy https://youtu.be/VCm41eShf70
· Qazbek Qasym https://youtu.be/Qp2i5GAAdvw
· Rýslan Tai https://youtu.be/fp9918OGBVw
· Shah-Murat Ordabaev https://youtu.be/VCm41eShf70
Film treileri: osy jerden qarańyz
Posterler: https://disk.yandex.ru/d/V2_DfdOGGwv4Wg
Premera fotolaryn myna jerden júktep alýǵa bolady:
https://disk.yandex.ru/d/YvWeR2DbC9ysKg (fotograf Rýslan Ziganshin)
https://disk.yandex.ru/d/3cEXcq0f5Yyvpw (fotograf Tima Baldin)
Anyqtama:
«Lilo men Stich» – ómirlik qundylyqtardy nasihattap, meiirim men shartsyz mahabbatqa úndeitin naǵyz otbasylyq film. Disneidiń kúlki men emotsiiaǵa toly bul týyndysy qazaq tiline aýdarylyp, dýbliajdaldy. Dýbliajǵa ádettegidei kásibi bilikti mamandar tartyldy. Film siýjeti balany da, eresekti de bei-jai qaldyrmaidy.
