Almaty Disney kompaniiasynyń litsenziiasymen resmi kinokontsertter ótetin álemdik astanalar tizimine endi.
Alǵash ret otandyq ártister Disney-diń kópshilik yqylasyna bólengen animatsiialyq filmderindegi tanymal sanýndtrekterdi qazaq tilinde shyrqady. Daniiar Ótegen, Nurmuhammed Jaqyp, Adam, Kental, Daneliia Týleshova, Erden Jaqsybekov, Indi Edilbaeva, Jarqynai Shalqar, Baljan Bidash simfoniialyq orkestirdiń súiemeldeýimen jandy daýysta án salyp, kórermenge ónerlerin pash etti.
Qazaqstan úshin arnaiy jasalǵan baǵdarlama disneilik kinokontserttiń resmi baǵdarlamasyna "Muzdy júrek" ("Holodnoe serdtse"), "Ań patshasy Arystan"("Korol Lev"), "Sý perisi" ("Rýsalochka"), "Arý men qubyjyq", (Krasavitsa i chýdovishe") "Mýlan", "Aladdin", "Pokahontas" siiaqty barlyǵy 22 mýltfilmniń kompjzitsiia endi.
"Búgin biz Disney-diń eń úzdik ánderin alǵash ret qazaq tilinde óz ártisterimizdiń oryndaýynda tyńdap otyrmyz. Bul bizdiń Astana kúni merekesine orai balalarǵa jasaǵan syiymyz. Men TMD-daǵy Walt Disney komaniiasyna jáne búgin bizdiń aramyzǵa otbasymen birge kelgen kompaniia ókili Igor Makarovqa raqmet aitamyn. Mýzyka balalardyń boiynda meiirim men patriotizmdi, adamgershilik qasietter men kishipeiildilikti qalyptastyrady" - dedi "Bolashaq" KQ Qamqorshylyq keńesiniń qurmetti múshesi Baýyrjan Baibek.
"Juldyzdar sherýi" qaiyrymdylyq kinokontsertiniń aiasynda 7 mln teńgeden astam qarjy jinaldy. Jinalǵan qarajat tolyqtai "Bolashaq" korporativtik qorynyń áleýmettik jobalaryna jumsalady. "Ár bala mektepke barýy tiis" jobasynyń aiasynda Nur-Sultan, Shymkent, Oral, Aqtaý, Atyraý, Qyzylorda, Pavlodar, Petropavl jáne Almatyda inkliýziiany qoldaý úshin 20 kabinet ashyldy.
Aýtizm jáne basqa da mentaldyq syrqaty bar 248 bala mektepke barýǵa múmkindik aldy. 2019 jyly Aqmola, Aqtóbe, Shyǵys Qazaqstan, Jambyl, Qaraǵandy, Pavlodar, Soltústik Qazaqstan jáne Túrkistan oblystarynda taǵy da 20 kabinet ashý josparlanǵan.
Qazaqstandaǵy inkliýzivti bilim berýdi jetildirýge járdemdesý maqsatynda "Bolashaq" KQ bastamasy "Nur Otan" partiiasynyń tarapynan "Kedergisiz keleshek" respýblikalyq jobasynyń aiasynda qoldaý tapty.
