«25 sáýir kúni 3 918 almatylyq vaktsina saldyrdy», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmeti.
Biylǵy jyldyń 1 aqpany men 25 sáýiri aralyǵynda barlyǵy 180 451 adamǵa ekpe salyndy.
Búgingi kúni qalada 209 pýnkt jumys istep tur. 1 201 adamnan turatyn 303 egý brigadasy bar.
«2021 jyldyń 25 sáýiri kúni jalpy sany 6 myń doza (1 jáne 2-komponent boiynsha) qazaqstandyq «QazVac» vaktsinasynyń transhy alyndy», - dep habarlady vedomstvodan.
Sondai-aq, Á. Qasteev atyndaǵy Óner murajaiynda (Sátbaev kóshesi) ashylǵan vaktsinalaý pýnkti óz jumysyn bastady. Jumys ýaqyty: 08:00-den 20:00-ge deiin.
Aita keteiik, Naýryzbai aýdanyndaǵy «Taýsamaly» bazarynda vaktsinatsiia pýnkti ashyldy.
