Almatyda demalys kúnderi taksi qyzmeti ádettegi rejimde jumys isteidi. Bul týraly qalanyń Erlan Ádilov aitty, dep habarlaidy "Ult aqparat".
«Maýsymnyń 20-21 kúnderi kóptegen uiymdardyń jumysyna shekteý qoiylýyna bailanysty qoǵamdyq kólikter de jumysyn toqtatady. Qala ishindegi jáne syrtyndaǵy marshrýttar boiynsha barlyq avtobýs, trolleibýs jumysqa shyqpaidy. Al taksi jumys istep turady. Taksoparkterdiń barlyǵy táýlik boiy jumys isteitin bolady. Barlyq kólik sanitarlyq dezinfektsiialaýdan ótetin bolady», - dedi qalalyq mobildilik basqarmasy basshysynyń orynbasary Erlan Ádilov.
Onyń aitýynsha, dúisenbiden bastap qoǵamdyq kólikterdiń jumysy qaita jandanady.
Búgin Almatyda iri saýda oiyn-saýyq ortalyǵy, bazarlar, azyq-túlikten basqa taýarlar satatyn bazarlar, qoǵamdyq kóliktiń jumysy 2 kúnge toqtatylatynyn habarlaǵan bolatynbyz.
