Almaty qalasynyń Almaly aýdandyq politsiia qyzmetkerleri halyq kóp shoǵyrlanatyn jerlerde engizilgen shekteýlerdi saqtaý boiynsha kezekshilikti kúsheitedi. Bul týraly onlain brifing barysynda aýdan ákimi Bekqali Torǵaev aitty, dep habarlaidy "Ult aqparat".
Osyǵan bailanysty, Almaty qalasynyń Almaly aýdanynda aldaǵy demalys kúnderi, iaǵni 20-21 maýsymda barlyq saýda, oiyn-saýyq ortalyqtary, saýda ortalyqtary, saýda úileri, bazarlar, sýpermarketter, fitnes ortalyqtardyń jumysy toqtatylady. Dámhanalar men meiramhanalar tek qana sanitarlyq-epidemiologiialyq normalardy saqtai otyryp, jazǵy alańdarda ǵana jumys isteitin bolady. Sondai-aq saiabaqtarǵa, jaǵalaýlarǵa barýǵa tyiym salynady. Qoǵamdyq kóliktiń, onyń ishinde qala mańyndaǵy marshrýttardyń jumysy toqtatylady.
«Almaly aýdanynda 4 saýda, oiyn-saýyq ortalyǵy, 18 saýda úii, 7 saýda ortalyǵy, 6 bazar, 43 fitnes-ortalyq, 1 saiabaq, 22 tynymbaq, 5 býlvar, 15 jasyl aimaq, 1 bólý aimaǵy bar. Qyzmeti toqtatylǵan barlyq nysandarda sanitarlyq-aldyn alý jáne epidemiiaǵa qarsy is-sharalar júrgiziledi. Almatylyqtarǵa qala boiynsha júrýdi shekteýdi, ásirese syrqattaný qaýpi qart adamdarǵa tónip tur, sondyqtan úide bolýǵa keńes beremiz. Qala turǵyndarynan osy baǵyttaǵy sharalarǵa túsinistikpen qaraýlaryn suraimyz», - dedi Bekqali Torǵaev.
Aita ketý kerek, 18 maýsym kúni QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysy ótti. Onda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq jaǵdaidy turaqtandyrý boiynsha qosymsha sharalar qabyldandy.
