الماتى قالاسىنىڭ المالى اۋداندىق پوليتسييا قىزمەتكەرلەرٸ حالىق كٶپ شوعىرلاناتىن جەرلەردە ەنگٸزٸلگەن شەكتەۋلەردٸ ساقتاۋ بويىنشا كەزەكشٸلٸكتٸ كٷشەيتەدٸ. بۇل تۋرالى ونلاين بريفينگ بارىسىندا اۋدان ەكٸمٸ بەكقالي تورعاەۆ ايتتى, دەپ حابارلايدى "ۇلت اقپارات".
وسىعان بايلانىستى, الماتى قالاسىنىڭ المالى اۋدانىندا الداعى دەمالىس كٷندەرٸ, ياعني 20-21 ماۋسىمدا بارلىق ساۋدا, ويىن-ساۋىق ورتالىقتارى, ساۋدا ورتالىقتارى, ساۋدا ٷيلەرٸ, بازارلار, سۋپەرماركەتتەر, فيتنەس ورتالىقتاردىڭ جۇمىسى توقتاتىلادى. دەمحانالار مەن مەيرامحانالار تەك قانا سانيتارلىق-ەپيدەميولوگييالىق نورمالاردى ساقتاي وتىرىپ, جازعى الاڭداردا عانا جۇمىس ٸستەيتٸن بولادى. سونداي-اق ساياباقتارعا, جاعالاۋلارعا بارۋعا تىيىم سالىنادى. قوعامدىق كٶلٸكتٸڭ, ونىڭ ٸشٸندە قالا ماڭىنداعى مارشرۋتتاردىڭ جۇمىسى توقتاتىلادى.
«المالى اۋدانىندا 4 ساۋدا, ويىن-ساۋىق ورتالىعى, 18 ساۋدا ٷيٸ, 7 ساۋدا ورتالىعى, 6 بازار, 43 فيتنەس-ورتالىق, 1 ساياباق, 22 تىنىمباق, 5 بۋلۆار, 15 جاسىل ايماق, 1 بٶلۋ ايماعى بار. قىزمەتٸ توقتاتىلعان بارلىق نىسانداردا سانيتارلىق-الدىن الۋ جەنە ەپيدەميياعا قارسى ٸس-شارالار جٷرگٸزٸلەدٸ. الماتىلىقتارعا قالا بويىنشا جٷرۋدٸ شەكتەۋدٸ, ەسٸرەسە سىرقاتتانۋ قاۋپٸ قارت ادامدارعا تٶنٸپ تۇر, سوندىقتان ٷيدە بولۋعا كەڭەس بەرەمٸز. قالا تۇرعىندارىنان وسى باعىتتاعى شارالارعا تٷسٸنٸستٸكپەن قاراۋلارىن سۇرايمىز», - دەدٸ بەكقالي تورعاەۆ.
ايتا كەتۋ كەرەك, 18 ماۋسىم كٷنٸ قر پرەمەر-مينيسترٸ اسقار ماميننٸڭ تٶراعالىعىمەن قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) سەلەكتورلىق وتىرىسى ٶتتٸ. وندا قر پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس قازاقستانداعى ەپيدەميولوگييالىق جاعدايدى تۇراقتاندىرۋ بويىنشا قوسىمشا شارالار قابىلداندى.
