Almatyda dárigerdi atyp óltirgen kúdiktiniń isine taǵy bir qylmystyq bap qosyldy. Oǵan Iýrii Shýmkovty óltiremin dep qorqytty degen aiyp taǵylyp otyr, dep habarlaidy QazAqparat.
«Qamaýǵa alynǵan kúdiktige qatysty taǵy bir bap qosyldy. Qazir QR Qylmystyq kodeksiniń 115-baby (Adam óltiremin nemese densaýlyqqa aýyr ziian keltiremin dep qorqytý, sol siiaqty adamǵa qatysty ózge de aýyr kúsh qoldaný) boiynsha sotqa deiingi tergeý bastaldy», - dep habarlady qalalyq prokýratýranyń baspasóz qyzmeti.
Oqiǵa bolǵan kúni Bostandyq aýdandyq politsiia basqarmasy sotqa deiingi tergeýdi bastaǵan bolatyn. Qozǵalǵan qylmystyq ister biriktirildi. Qazir ol Almaty qalalyq politsiia departamenti jedel-tergeý tobynyń óndirisinde. Qylmystyq istiń sebebi men basqa da mán-jailaryn anyqtaýǵa, sondai-aq tolyqtyǵyn qamtamasyz etýge baǵyttalǵan qajetti tergeý áreketteri júrgizilip jatyr.
«Qylmystyq is boiynsha protsessýaldyq prokýror taǵaiyndalyp, oǵan QR Qylmystyq-protsestik kodeksiniń 197-babyna sáikes jazbasha nusqaý berildi», - dep atap ótti vedomstvadan.
