Almatyda dári tapshylyǵy bolmaidy. Bul týraly onlain brifing barysynda Almaty qalasy ákimdiginiń dárilik preparattarmen qamtamasyz etý jónindegi úilestirýshisi Zańǵar Sálimbaev aitty, dep habarlaidy "Ult aqparat".
«Baqytjan Saǵyntaevtyń tapsyrmasy boiynsha, maýsym aiynda dári-dármekpen qamtamasyz etý maqsatynda qalada turaqtandyrý qory qurylǵan bolatyn. Oǵan jergilikti biýdjetten 10 mlrd teńge bólindi. Qarajatty ekige bóldik. Dárihanalar jelisine 5 mlrd teńge, aýrýhanalar men klinikalarǵa 5 mlrd teńge. Qańtardyń aiaǵyna deiin kelisim shartqa sáike, distribiýtorlar 40 mln astam dári dármek jetkizý kerek. Búgingi kúni 33 mln preparat keldi. Onyń 18,4 mln qoimada tur», - dedi Zańǵar Sálimbaev.
Budan bólek, «SQ Farmatsiia» JShS-da turaqtandyrý qoryn qurdy. Onda eki aiǵa jetetin dári-dármek pen meditsinalyq qorǵanys quraldary bar.
«Sonymen qatar, qaladaǵy meditsina uiymdary qajetti dárilik zattarmen tolyq qamtamasyz etilgen. Dári tapshylyǵy bolmaidy. Bizde birtutas júie bar, oǵan sáikes dárihanalar baqylanady. Biz qai jerde jáne qansha dári qalǵanyn únemi qadaǵalap otyramyz», - dedi spiker.
