Almaty ákimdigi dárihanalardyń jumysy boiynsha jaǵdaidy málim etti, dep habarlaidy QazAqparat.
Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtab taratqan málimetke sáikes, qalada 970 dárihana bar, olardyń 407-si jelige jatady. Búgingi kúni tańǵy saǵat 10.00-den 17.00-ge deiingi rejimde 277 dárihana jumys istep tur, onyń ishinde 138 jelilik jáne 139 jeke dárihana bar. 15 dárihana zardap shekken.
Qala dárihanalaryna dárilik zattar men meditsinalyq maqsattaǵy buiymdardy jetkizýdi «Medservis», «INKAR», «Amanat» 3 iri farmkompaniiasy júzege asyrady.
«10 qańtardaǵy jaǵdai boiynsha «Medservis» kompaniiasy 40 293 birlik kóleminde dáriniń 1070 túrin tiep jóneltken, «Amanat» kompaniiasy 203 700 birlik kóleminde dárilik zattyń 2040 túrin jetkizdi. Basqa iri jetkizýshiler 11 qańtardan bastap qala dárihanalarynyń tapsyrystary boiynsha qajetti dári- dármekti jetkizýdi bastaidy»,- dep habarlady Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtab.
