Almatyda DAISh ideiasyn nasihattaǵan áielge jeti jylǵa bas bostandyǵynan aiyrý jazasy kesildi, - dep habarlaidy "Ult aqparat" qalalyq sot baspasóz qyzmetine silteme jasap.
Almatynyń Almaly aýdandyq sotynda azamatsha S.-ke qatysty qylmystyq is QR Qylmystyq kodeksiniń 256-baby 2-bóligi ("Terrorizmdi nasihattaý nemese terrorizm aktisin jasaýǵa jariia túrde shaqyrý") boiynsha qaraldy.
"2012 jyly internet resýrstary arqyly halyqaralyq DAISh terroristik uiymynyń áreketimen tanysyp, sottalýshy S. "Quran" aiattary men hadisterin burmalap tárjimalanǵan "qarýly jihad" radikal dini kózqarasty ustanǵan. Sottalýshy S., radikal islam aǵymynyń yqpalynda bolyp, radikal islamnyń jáne halyqaralyq DAISh terroristik uiymynyń ideologiiasyn nasihattaý úshin nasihattaý materialdaryn saqtap, taratqan", - dedi sotta.
Sot otyrysy barysynda sottalýshy S. óz kinásin tolyǵymen moiyndady. Sot úkimimen ol jeti jylǵa bas bostandyǵynan aiyryldy, jazasyn qaýipsizdigi orta deńgeili qylmystyq-atqarý júiesi mekemesinde óteidi.
Sot úkimi zańdy kúshine engen joq.
