Almatyda 21 jeltoqsan kúni saǵat 10:10-da sirena dybystary estiletin bolady, dep habarlaidy QazAqparat.
Is-shara respýblika boiynsha azamattyq qorǵaý qulaqtandyrý júiesin tekserý aiasynda júrgiziledi.
Almaty qalasynyń Tótenshe jaǵdailar departamenti málim etkendei, tótenshe jaǵdailar týraly halyqty qulaqtandyrý jáne habardar etý turǵyndardy apattyń nemese joiqyn áserdiń teris saldarynan qorǵaýǵa múmkindik beretin negizgi qaýipsizdik sharasy bolyp tabylady.
Qulaqtandyrý júiesin tekserý barysynda elektr dabyldaryn jáne sirenalyq-sóileý qurylǵylaryn (daýys zoraitqyshtardy) qysqa merzimge qosý, teledidar jáne radioarnalardyń efirin ustaý, internet-resýrstar men mobildi qosymshalarda aqparatty ornalastyrý kózdeledi.
«Barshanyń nazaryna!!!» dybystyq signaly - bul qaýip tóngen nemese tótenshe jaǵdai týyndaǵan kezde barlyq shuǵyl habarlamalardy berýdiń aldynda halyqtyń nazaryn aýdarý úshin beriletin eskertý signaly.
Dybystyq signaldy estigen kezde teledidarlar men radioqabyldaǵyshtardy qosý kerek, apat týyndaǵan jaǵdaida odan ári áreket etý týraly nusqaýlar alý úshin internet-resýrstardaǵy jáne mobildi qosymshalardaǵy aqparatty oqyp shyǵý kerek.
Qulaqtandyrý júiesine respýblikalyq tekserý júrgizý qulaqtandyrý jabdyǵyn ázirlikte ustaýǵa jáne halyqty yqtimal tótenshe jaǵdailardan qorǵaýǵa baǵyttalǵan.
Sonymen qatar, qaýipti óndiristik obektiler men gidrotehnikalyq qurylystardaǵy jergilikti qulaqtandyrý júieleriniń jaramdylyǵy tekseriletin bolady.
