15 maýsymdaǵy jaǵdai boiynsha Almatyda simptomdarmen 3113, simptosyz 813 jaǵdai tirkeldi. 2020 jylǵy 8-14 maýsym aralyǵynda simptomdarmen 219, aýrý belgisi joq 616 jaǵdai anyqtaldy. Bul týraly Almaty qalasy Qoǵamdyq densaýlyq saqtaý basqarmasynyń basshysy Kamaljan Nadyrov onlain brifing barysynda málim etti, dep habarlaidy "Ult aqparat".
«Bir aptada 150 naýqas emdelip shyqty, jalpy jazylǵandardyń sany 2056 adam. Eger aýyrǵan adamdardyń jas shamasyna qaraityn bolsaq negizinen jastar arasynda basym. Mysaly, 20-29 jas sanatynyń úlesine juqtyrǵandardyń jalpy sanynyń 36,8%-y keledi, 30-39 jas sanatynyń arasynda – 18,9%, 40-49 jas sanatynyń úlesine – 14,5%, 50-59 jas sanatynyń úlesine – 11,7%, 60 jastan joǵary jáne odan da joǵary egde jastaǵy adamdar arasynda juqtyrǵandardyń jalpy sany 8,1%. Sondai-aq, balalar men jasóspirimder arasynda tirkelgen jaǵdailar da bar, 14 jasqa deiingi balalar arasynda – 5,1% jáne 15-19 jastaǵy jasóspirimder arasynda-4,9%»,– dedi ol.
Sonymen qatar, Kamaljan Nadyrov virýs juqtyrǵandardyń kóbi naýqastarmen bailanysta bolǵandar ekenin jetkizdi. Profilaktikalyq tekseris kezinde anyqtalǵandar - 56,7%. Sondai-aq, táýekel toptaǵylardy tekserý kezinde anyqtalǵandar - 33,9%, óz betinshe tekserilgender – 9,4%.
