Almaty qalasynyń ákimi Baqytjan Saǵyntaev Úkimette karantin sharalarynyń nátijesin baiandady, dep habarlaidy "Ult aqparat".
«5 shildede kúsheitilgen sharalar engizý durys sheshim boldy. Almatydaǵy epidemiologiialyq jaǵdai keshendi túrde turaqtandy. Megapolistegi koronavirýs juqtyrý ósimi 2,2%-ǵa deiin tómendedi», - dedi Almaty ákimi Úkimet otyrysynda.
Qazir qalada 10 955 COVID-19 juqtyrý jaǵdaiy tirkelgen. Onyń ishinde 6 341 adam nemese 60% emdelip shyqqan. 28 adamnyń hali aýyr, ókinishke qarai, 73 adam (0,68%) koronavirýstan qaitys bolǵan.
«Pnevmoniia jáne COVID-19 kúdigimen jedel járdem shaqyrýlar sany 4 ese azaidy. Statsionarlarǵa jatqyzylatyn adamdar sany 2 eseden astam kórsetkishke tómendedi. Emhanaǵa júginýshiler sany da 2 ese azaidy», - dedi Baqytjan Saǵyntaev.
