Foto: polisia.kz
Almatyda burynǵy áielin júieli túrde ańdyǵan er adamǵa qatysty qylmystyq is qaralyp, sot úkimi shyqty. Bul týraly qalalyq politsiia departamenti habarlady.
Vedomstvo málimetinshe, qala turǵyny burynǵy jubaiy tarapynan úzdiksiz qýdalaýǵa ushyraǵanyn aityp, quqyq qorǵaý organdaryna júgingen.
Atalǵan fakti boiynsha qylmystyq is qozǵalyp, tergeý barysynda quqyqqa qaishy áreketterdi rastaityn dálelder tolyq jinalǵan. Nátijesinde kúdikti ustalyp, ýaqytsha ustaý izoliatoryna qamaldy.
Is materialdary sotqa joldanyp, sot sheshimimen er adamǵa 100 saǵat qoǵamdyq jumysqa tartý jazasy taǵaiyndaldy. Sondai-aq oǵan probatsiialyq baqylaý belgilendi.
Politsiia departamenti stalkingke qarsy zańnamanyń kúsheitilgenin eske saldy. Endi adamnyń jeke shekarasyn buzyp, erkinen tys ańdyý, qaita-qaita bailanysý jáne qorqynysh týdyrý áreketteri qylmystyq jaýapkershilikke ákep soǵady.
