Almaty koronavirýstyń taralý deńgeii boiynsha «qyzyl aimaqta», sondyqtan megapoliste kez kelgen buqaralyq is-shara ótkizýge tyiym salynady. Bul týraly qalalyq sanitarlyq-epidemiologiialyq baqylaý departamenti málim etti, dep habarlaidy "Ult aqparat".
Almaty qalalyq sanitarlyq-epidemiologiialyq baqylaý departamenti Janbolat Mamaidyń kópshilikti mitingige shaqyrý týraly málimdemesine túsinikteme berdi.
«Almaty qalasy «qyzyl aimaqta» bolýyna bailanysty buqaralyq is-sharalar ótkizýge tyiym salynaǵan. Bul týraly qalanyń bas sanitarlyq dárigeriniń qaýlysynda kórsetilgen. Sondyqtan eshqandai mitingi ótkizýge ruqsat joq», - delingen habarlamada.
Baspasóz qyzmetiniń aqparatyna sáikes, buǵan deiin beibit jiyndar týraly ótinishterdi qaraityn ýákiletti organǵa bul mitingige ruqsat berýden bas tartýǵa keńes berilgen.
«Túsiniktemeleri bar tiisti hat Janbolat Mamaiǵa ýaqytyly jiberildi»,- dep tolyqtyrdy departamenttegiler.
