16 jeltoqsanda kásibi bokstan halyqaralyq «Táýelsizdik kúni» keshi ótedi. Dúbirli doda aiasynda alys jáne jaqyn shetelderden 12 boks juby ringke shyǵady, dep habarlaidy "Ult aqparat".
Sport keshi Balýan Sholaq atyndaǵy sport saraiynda 16:00-de bastalady.
Sporttyq is-sharanyń jetekshisi bolyp kásipqoi boksshy Viktor Kotochigov taǵaiyndaldy.
Ol WBC International chempionatynda jeńil salmaqtaǵy álem chempiony ataǵyn qorǵaidy. Ol úshin bul kezdesý mansabyndaǵy 11 kezdesý bolyp otyr. Onyń qarsylasy - tájiribeli argentinalyq Haver Hose Klavero. Hose 32 jekpe – jekke shyqqan, 27 ret jeńip, 5 ret jeńilgen.
Sondai - aq, jerlesimiz, Aziia chempiony jáne jasóspirimder arasyndaǵy vitse - álem chempiony Sultan Záýrbek WBC nusqasy boiynsha jastar arasyndaǵy álem chempiony ataǵy úshin titýldyq jekpe - jek ótkizedi. Onyń qarsylasy qytailyq Leshan Li.
Jalpy, otandyq kásipqoi bokstyń namysyn Iskander Harsan (WBC jastar arasyndaǵy qurlyqaralyq jeńil salmaqtaǵy chempion) - kamerýndyq Tomasa Essombaǵa, Nurtas Ájbenov - Filippindyq Leonǵa qarsy, Abai Tólesh - chehiialyq Tomas Bezvodqa qarsy, odan bólek Rai Seitjanov, Elshat Nyǵmetolla, Mirasali Sársenov, Nurdos Tólebai siiaqty ósip kele jatqan jas boksshylar qorǵaityn bolady.
