Almatyda blokposttar karantin aiaqtalǵansha turady. Bul týraly onlain-brifing barysynda Almaty qalasy ákiminiń orynbasary Saparbek Tuiaqbaev aitty, dep habarlaidy "Ult aqparat".
"Blokposttar karantin rejimi aiaqtalǵanǵa deiin alynbaidy. Óitkeni ol karantinniń mańyzdy shartarynyń biri. Sondyqtan kásipkerlerdiń oblysta turatyn jumysshylarǵa senim artpaǵandary durys. Bul jumystarǵa ázirshe almatylyqtardy tartqandary abzal", - dedi Saparbek Tuiaqbaev.
Sonymen qatar, ol mamandardy jedel qaita daiarlaýdyń jańa baǵdarlamasynyń iske qosylyp jatqanyn atap ótti.
"Saýda, qyzmet kórsetý, qurylys jáne ónerkásip salalary boiynsha biz jeke kompaniialarmen birigip kadrlardy qaita daiarlaýdy júrgizemiz. Eger mamandar jetispeýshiligine qatysty máseleler týyndasa, bizben habarlasyńyz, biz ár faktini zerttep, siz úshin kadrlardy daiyndaimyz. Qalada jumyssyz júrgender kóp", - dep túiindedi S. Tuiaqbaev.
Onyń aitýynsha, 394 kásiporynnyń 306-sy búgingi tańda jumys isteýge ruqsat aldy.
