Almaty politsiiasy baqylaý-ótkizý pýnktterindegi jaǵdaidy beinekameralardyń kómegimen baqylap otyr, dep habarlaidy QazAqparat.
Almatyda karantin engizilip, el ishinde tótenshe jaǵdai jariialanǵaly beri Politsiia departamentiniń qyzmeti men bólimsheleriniń quramy kúsheitilgen tártippen jumys isteýge kóshti.
«Qorǵanys ministrliginiń myńǵa jýyq áskeri qyzmetshileri karantin aimaǵynda qurylǵan 27 baqylaý-ótkizý pýnktterinde qyzmet etedi. Sonymen qatar infektsiia oshaqtary men meditsinalyq mekemelerin qorshaýǵa alý týraly sharalar qabyldandy. 150-ge jýyq politsiia qyzmetkeri men Ulttyq ulannyń jaýyngerleri táýlik boiy qyzmet etedi. Ár postqa departamenttiń ortalyq shtabyna shyǵatyn «Sergek» kameralary ornatyldy. Ǵalamtordaǵy trafik baqylanady, kólikterdiń kelýi jáne ketýi, posttardyń janynda zańsyz áreketter anyqtalady. Olar jáne dereý toqtatylady», – dedi Almaty qalalyq politsiia departamentiniń basshysy, politsiia polkovnigi Qanat Taimerdenov.
Sondai-aq, qalanyń politsiia basshysy karantin kezeńinde halyqpen keri bailanys qalai qurylǵanyn aitty.
«Buryn habarlanǵandai, Almatyda karantin engizilgen ýaqyttan bastap politsiia Departamentinde Call-ortalyq quryldy. Maqsaty – ótkizý rejimine qatysty jáne zańdylyqty saqtaý týraly eń ózekti suraqtarǵa jaýap berý. Ortasha alǵanda, kóp arnaly nómirge kúnine 4 myń telefon qońyraýy túsedi. Sonymen qatar, PD Jedel basqarý ortalyǵyna jumys kúnderi 2 myńǵa deiin telefon qońyraýy túsedi. «102» nómirine telefon shalǵandardyń úshten biri anyqtamalyq sipattaǵy aqparatty alady. Servis operatorlary eki aýysymdyq rejimde jumys isteidi. Basqarma ofitserleri barlyq kúsh-jigerlerin jinap táýlik boiǵy aýysymǵa shyǵady», – dedi polkovnik Taimerdenov.
