Almatyda 19 naýryzda túngi 24:00 shamasynda karantin rejimine bailanysty blok beketter qandai jerlerde ornalasatyny belgili boldy, dep habarlaidy "Ult aqparat".
Bul nysandar qalaǵa kireberister men 10 magistraldy kóshede ornalasatyn boldy.
Naqty aqparatty myna jerden kórýge bolady.
Osyǵan bailanysty politsiia qala turǵyndaryna marshrýttaryn aldyn ala retteýdi, bilik ókilderiniń talabyna baǵynýdy, karantin talaptary men jol erejesin buzbaýdy eskertedi.
«Tótenshe jaǵdaiǵa bailanysty talaptardy buzǵan adamdarǵa 10 AEK kóleminde aiyppul salynyp nemese 15 táýlikke deiin qamaýǵa alý siiaqty ákimshilik jaza qoldanylady. Tótenshe jaǵdai jariialanǵan aýmaqta bilik ókiliniń talabyna baǵynbaǵandarǵa 2000 AEK mólsherinde aiyppul salynyp nemese 600 saǵatqa deiin qoǵamdyq jumysqa tartylady nemese 2 jylǵa deiin bas bostandyǵy shekteledi», - dedi qalalyq Politsiia departamentiniń resmi ókili Saltanat Ázirbek.
Odan bólek politsiia tótenshe jaǵdai kezinde jalǵan aqparat taratqany úshin qylmystyq jaýapkershilik qarastyrylǵanyn aitty. Jalǵan aqparat taratqan tulǵalar 3-7 jyl bas bostandyǵy shektelip nemese sol merzimge bas bostandyǵynan airylýy múmkin.
