الماتىدا 19 ناۋرىزدا تٷنگٸ 24:00 شاماسىندا كارانتين رەجٸمٸنە بايلانىستى بلوك بەكەتتەر قانداي جەرلەردە ورنالاساتىنى بەلگٸلٸ بولدى, دەپ حابارلايدى "ۇلت اقپارات".
بۇل نىساندار قالاعا كٸرەبەرٸستەر مەن 10 ماگيسترالدى كٶشەدە ورنالاساتىن بولدى.
ناقتى اقپاراتتى مىنا جەردەن كٶرۋگە بولادى.
وسىعان بايلانىستى پوليتسييا قالا تۇرعىندارىنا مارشرۋتتارىن الدىن الا رەتتەۋدٸ, بيلٸك ٶكٸلدەرٸنٸڭ تالابىنا باعىنۋدى, كارانتين تالاپتارى مەن جول ەرەجەسٸن بۇزباۋدى ەسكەرتەدٸ.
«تٶتەنشە جاعدايعا بايلانىستى تالاپتاردى بۇزعان ادامدارعا 10 اەك كٶلەمٸندە ايىپپۇل سالىنىپ نەمەسە 15 تەۋلٸككە دەيٸن قاماۋعا الۋ سيياقتى ەكٸمشٸلٸك جازا قولدانىلادى. تٶتەنشە جاعداي جارييالانعان اۋماقتا بيلٸك ٶكٸلٸنٸڭ تالابىنا باعىنباعاندارعا 2000 اەك مٶلشەرٸندە ايىپپۇل سالىنىپ نەمەسە 600 ساعاتقا دەيٸن قوعامدىق جۇمىسقا تارتىلادى نەمەسە 2 جىلعا دەيٸن باس بوستاندىعى شەكتەلەدٸ», - دەدٸ قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
ودان بٶلەك پوليتسييا تٶتەنشە جاعداي كەزٸندە جالعان اقپارات تاراتقانى ٷشٸن قىلمىستىق جاۋاپكەرشٸلٸك قاراستىرىلعانىن ايتتى. جالعان اقپارات تاراتقان تۇلعالار 3-7 جىل باس بوستاندىعى شەكتەلٸپ نەمەسە سول مەرزٸمگە باس بوستاندىعىنان ايرىلۋى مٷمكٸن.
