Almatyda 41 jastaǵy biznesmennen 260 myń dollar bopsalady degen kúdikti ustaldy, - dep habarlaidy Tengrinews.kz tilshisi qalalyq PD baspasóz qyzmetine silteme jasap.
Biznesmen politsiiaǵa aryz bergen. Onyń aitýynsha, beitanys adam oidan shyǵarylǵan qaryz týraly aityp, odan 260 myń dollar talap etip, fizikalyq zorlyq-zombylyq kórsetip qorqytqan.
"Bul derek jedel jáne arnaiy is-sharalar ótkizý barysynda rastaldy. 1981 jyly týǵan azamat fizikalyq zorlyq-zombylyq kórsetip, kásipkerden qomaqty qarjy talap etken. Kúdiktini politsiia jasaǵy arnaiy operatsiia nátijesinde ustady. Tintý barysynda aqshalai qarajat tárkilenip, QR Qylmystyq kodeksiniń 194-babynda, 4-bóliginde kózdelgen qylmys belgileri boiynsha qylmystyq is materialdaryna tirkeldi. Kúdikti qamaýǵa alyndy", - dedi Almaty qalalyq Politsiia departamenti bastyǵynyń orynbasary polkovnik Berik Ábilbekov.
