Foto: Polisia.kz
Almatyda birqatar páter urlyǵyna qatysy bar, buryn isti bolǵan azamattar qylmys ústinde qolǵa tústi, – dep habarlaidy Polisia.kz.
Ońai oljaǵa kenelgisi kep turǵyndardyń páterlerin tonap júrgen qylmystyq topty jedel ýákilder ustady. Arnaiy operatsiia túngi saǵat birde Demian Bednyi kóshesiniń boiynda júrgizilgen.
"Elimizdiń ár óńirinen kelgen 33 jáne 29 jastaǵy bes azamat quryqtaldy. Olardyń 4-i buryn birneshe ret tonaý, zorlaý, adam urlaý, buzaqylyq, kólik urlyǵy siiaqty aýyr qylmystar jasaǵany úshin isti bolǵandary belgili boldy. Aldyn ala anyqtalǵandai, jedel jáne arnaiy is-sharalar barysynda atalǵan bestik endi páter tonaýǵa kóshken syńaily. Olar kezekti turǵyn úidi tonaý barysynda qolǵa tústi. Qoldy bolǵan zattar aiǵaq retinde tárkilendi. Atalǵan qylmystyq top ishinde urlaǵan zattardy satyp alýshy da bolýy múmkin. Munyń barlyǵy tergeý amaldary barysynda anyqtalatyn bolady", – dep málimdedi Almaty qalalyq PD kriminaldyq politsiia basqarmasynyń bastyǵy Qýatbek Naýatov.
PB bastyǵynyń málimetinshe, bul top sońǵy ret Alataý aýdany Baijanov kóshesinde ornalasqan jeke turǵyn úidi tonaǵan. Búgingi kúni olardyń kem degende 5 úidi tonaǵandary belgili boldy.
QR QPK-niń 201-babyna sáikes, ózge aqparattar tergeý múddesine sai jariia etýge jatpaidy. QR Qonstitýtsiiasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáikes, zańdy kúshine engen sot úkimimen belgilengenge deiin árbir adam qylmystyq quqyqbuzýshylyq jasaýda kinásiz dep tanylady.
