Almatyda bir terapevtik ýchaske júktemesi 2 myń adamnan asady. Bul týraly brifing barysynda qoǵamdyq densaýlyq basqarmasy basshysynyń orynbasary Laýra Myrzaǵali aitty, dep habarlaidy QazAqparat.
«Búgingi kúni Almaty qalasy boiynsha jalpy praktika dárigeriniń bir ýchaskesine júkteme – 1 616 adam, josparly júkteme – 1 700 adam, bir terapevtik ýchaskege – 2 164 eresek adam, jospar boiynsha – 2 200 adam, pediatriialyq ýchaskede jospar boiynsha 6 jasqa deiingi 500 bala bolýy tiis, al mundaǵy balalar sany – 777», - deidi densaýlyq saqtaý basqarmasynyń ókili.
Onyń aitýynsha, búginde pediatriialyq ýchaskelerde 14 jasqa deiingi balalar tirkelgen. 6 jasqa deiingi balalarǵa qyzmet kórsetetin pediatriialyq ýchaskelerdiń júktemesi kezeń-kezeńmen azaitylatyn bolady.
«Jalpy praktika dárigerleriniń júktemesin eskere otyryp, biyl Almatyda MSAK uiymdarynda jalpy praktika dárigerleriniń 15 qosymsha ýchaskesi ashyldy. Qala boiynsha barlyǵy 989 ýchaske uiymdastyrylǵan», - deidi ol.
Sonymen qatar, Laýra Myrzaǵali Almaty turǵyndary búgin «Damý» mobildik qosymshasynda elektrondyq qyzmetterdiń keń spektrin paidalana alatynyn málim etti.
Mysaly, dárigerdiń qabyldaýyna jazylý, dárigerdi úige shaqyrý, zerthanalyq zertteýlerdiń nátijelerin, aýrýhana paraqtaryn qaraý, dári-dármekterdi tabý jáne taǵy basqalary.
«Nátijesinde patsientterge qyzmet kórsetý ýaqyty 20%-ǵa, kezekte turý ýaqyty 30%-ǵa qysqardy. Patsientti dárigerge jazý ýaqyty 2 ese jáne dárigerdi úige shaqyrý ýaqyty 1,5 ese azaidy», - dep atap ótti spiker.
