الماتىدا بٸر تەراپەۆتٸك ۋچاسكە جٷكتەمەسٸ 2 مىڭ ادامنان اسادى. بۇل تۋرالى بريفينگ بارىسىندا قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي ايتتى, دەپ حابارلايدى قازاقپارات.
«بٷگٸنگٸ كٷنٸ الماتى قالاسى بويىنشا جالپى پراكتيكا دەرٸگەرٸنٸڭ بٸر ۋچاسكەسٸنە جٷكتەمە – 1 616 ادام, جوسپارلى جٷكتەمە – 1 700 ادام, بٸر تەراپەۆتٸك ۋچاسكەگە – 2 164 ەرەسەك ادام, جوسپار بويىنشا – 2 200 ادام, پەدياترييالىق ۋچاسكەدە جوسپار بويىنشا 6 جاسقا دەيٸنگٸ 500 بالا بولۋى تيٸس, ال مۇنداعى بالالار سانى – 777», - دەيدٸ دەنساۋلىق ساقتاۋ باسقارماسىنىڭ ٶكٸلٸ.
ونىڭ ايتۋىنشا, بٷگٸندە پەدياترييالىق ۋچاسكەلەردە 14 جاسقا دەيٸنگٸ بالالار تٸركەلگەن. 6 جاسقا دەيٸنگٸ بالالارعا قىزمەت كٶرسەتەتٸن پەدياترييالىق ۋچاسكەلەردٸڭ جٷكتەمەسٸ كەزەڭ-كەزەڭمەن ازايتىلاتىن بولادى.
«جالپى پراكتيكا دەرٸگەرلەرٸنٸڭ جٷكتەمەسٸن ەسكەرە وتىرىپ, بيىل الماتىدا مساك ۇيىمدارىندا جالپى پراكتيكا دەرٸگەرلەرٸنٸڭ 15 قوسىمشا ۋچاسكەسٸ اشىلدى. قالا بويىنشا بارلىعى 989 ۋچاسكە ۇيىمداستىرىلعان», - دەيدٸ ول.
سونىمەن قاتار, لاۋرا مىرزاعالي الماتى تۇرعىندارى بٷگٸن «دامۋ» موبيلدٸك قوسىمشاسىندا ەلەكتروندىق قىزمەتتەردٸڭ كەڭ سپەكترٸن پايدالانا الاتىنىن مەلٸم ەتتٸ.
مىسالى, دەرٸگەردٸڭ قابىلداۋىنا جازىلۋ, دەرٸگەردٸ ٷيگە شاقىرۋ, زەرتحانالىق زەرتتەۋلەردٸڭ نەتيجەلەرٸن, اۋرۋحانا پاراقتارىن قاراۋ, دەرٸ-دەرمەكتەردٸ تابۋ جەنە تاعى باسقالارى.
«نەتيجەسٸندە پاتسيەنتتەرگە قىزمەت كٶرسەتۋ ۋاقىتى 20%-عا, كەزەكتە تۇرۋ ۋاقىتى 30%-عا قىسقاردى. پاتسيەنتتٸ دەرٸگەرگە جازۋ ۋاقىتى 2 ەسە جەنە دەرٸگەردٸ ٷيگە شاقىرۋ ۋاقىتى 1,5 ەسە ازايدى», - دەپ اتاپ ٶتتٸ سپيكەر.
