Almatyda bir táýlikte 8468 adam koronavirýsqa qarsy vaktsina saldyrdy, dep habarlaidy "Ult aqparat".
«28 sáýir kúni 8468 almatylyq vaktsina saldyrdy, onyń ishinde 316 adam «QazVac» vaktsinasyn aldy», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.
Biylǵy jyldyń 1 aqpany men 28 sáýiri aralyǵynda barlyǵy 202 574 adamǵa ekpe salyndy. «Spýtnik-V» vaktsinasynyń 2 komponentin 39 041 adam aldy.
Búgingi kúni qalada 211 pýnkt jumys istep tur. 1 809 adamnan turatyn 402 egý brigadasy bar. Sonymen qatar, 40 kóshpeli mobildi brigada uiymdastyryldy.
