Barlyq almatylyqty PTR ádisi arqyly tekserý múmkin emes. Bul týraly Almaty qalalyq Qoǵamdyq densaýlyq saqtaý basqarmasynyń bastyǵy Tileýhan Ábildaev málim etti, dep habarlaidy "Ult aqparat".
«Búgingi tańda qalada bir táýlikte 3 myń PTR test jasalady. Ony 4 myńǵa jetkizýdi kózdep otyrmyz. Biraq eki million halyqty PTR ádisi arqyly tekserý múmkin emes. Ony júzege asyra almaimyz», - dedi Tileýhan Ábildaev Almatydaǵy Qoǵamdyq keńestiń onlain otyrysynda.
Sonymen qatar, ol qalada ońtústikkoreialyq jyljymaly mobildi skriningtik ortalyqtyń ashylǵandyǵyn atap ótti. Onda almatylyqtar aqysyn tólep PTR test tapsyra alady. Sondai-aq mundai qyzmetti «Olimp» meditsinalyq ortalyǵy da kórsetedi.
Óz kezeginde Almaty qalasynyń memlekettik bas sanitarlyq dárigeri Jandarbek Bekshin megopoliste 88 myń test jasalǵanyn aitty.
«Biz bárine 100% PTR diagnostikasyn usyna almaimyz. Búgingi tańda 88 myń test júrgizdik. Bizde test jetkiliksiz. Halyqty júz paiyz testileýge múmkindik joq. Álemniń birde-bir ekonomikasy muny kóter almaidy. Alaida adamdardy tekserý jaǵynan biz qazir álemniń jetekshi tobyna kiremiz, óitkeni ákimdik buǵan múmkindik berdi», - dedi ol.
