بارلىق الماتىلىقتى پتر ەدٸسٸ ارقىلى تەكسەرۋ مٷمكٸن ەمەس. بۇل تۋرالى الماتى قالالىق قوعامدىق دەنساۋلىق ساقتاۋ باسقارماسىنىڭ باستىعى تٸلەۋحان ەبٸلداەۆ مەلٸم ەتتٸ, دەپ حابارلايدى "ۇلت اقپارات".
«بٷگٸنگٸ تاڭدا قالادا بٸر تەۋلٸكتە 3 مىڭ پتر تەست جاسالادى. ونى 4 مىڭعا جەتكٸزۋدٸ كٶزدەپ وتىرمىز. بٸراق ەكٸ ميلليون حالىقتى پتر ەدٸسٸ ارقىلى تەكسەرۋ مٷمكٸن ەمەس. ونى جٷزەگە اسىرا المايمىز», - دەدٸ تٸلەۋحان ەبٸلداەۆ الماتىداعى قوعامدىق كەڭەستٸڭ ونلاين وتىرىسىندا.
سونىمەن قاتار, ول قالادا وڭتٷستٸككورەيالىق جىلجىمالى موبيلدٸ سكرينينگتٸك ورتالىقتىڭ اشىلعاندىعىن اتاپ ٶتتٸ. وندا الماتىلىقتار اقىسىن تٶلەپ پتر تەست تاپسىرا الادى. سونداي-اق مۇنداي قىزمەتتٸ «وليمپ» مەديتسينالىق ورتالىعى دا كٶرسەتەدٸ.
ٶز كەزەگٸندە الماتى قالاسىنىڭ مەملەكەتتٸك باس سانيتارلىق دەرٸگەرٸ جانداربەك بەكشين مەگوپوليستە 88 مىڭ تەست جاسالعانىن ايتتى.
«بٸز بەرٸنە 100% پتر دياگنوستيكاسىن ۇسىنا المايمىز. بٷگٸنگٸ تاڭدا 88 مىڭ تەست جٷرگٸزدٸك. بٸزدە تەست جەتكٸلٸكسٸز. حالىقتى جٷز پايىز تەستٸلەۋگە مٷمكٸندٸك جوق. ەلەمنٸڭ بٸردە-بٸر ەكونوميكاسى مۇنى كٶتەر المايدى. الايدا ادامداردى تەكسەرۋ جاعىنان بٸز قازٸر ەلەمنٸڭ جەتەكشٸ توبىنا كٸرەمٸز, ٶيتكەنٸ ەكٸمدٸك بۇعان مٷمكٸندٸك بەردٸ», - دەدٸ ول.
