Almaty qalasynyń Naýryzbai aýdanynda bir bólmeli páterge 990 adamdy zańsyz tirkegen baspana iesi sottaldy, dep habarlaidy ult.kz.
Prokýratýra málimetinshe, páter iesi azamattardy aqshalai syiaqy úshin tirkep otyrǵan. Alaida olardyń eshqaisysy atalǵan mekenjaida naqty turmaǵany anyqtalǵan.
Tekserý qorytyndysy boiynsha bul áreket zańsyz kóshi-qondy uiymdastyrý retinde baǵalanyp, Qylmystyq kodekstiń 394-baby boiynsha is qozǵaldy.
Sot sheshimimen «rezeńke páterdiń» iesi kináli dep tanylyp, bir jyl merzimge bas bostandyǵyn shekteý jazasyna kesildi.
Prokýratýra azamattardy kóshi-qon zańnamasyn saqtaýǵa shaqyryp, zań talaptaryn buzǵandarǵa qylmystyq jáne ákimshilik jaýapkershilik qarastyrylatynyn eskertti.
