Búgin Almaty qalalyq juqpaly aýrýlar aýrýhanasynan koronavirýs juqtyrǵan áiel emdelip shyqty.
Bul týraly Qoǵamdyq densaýlyq saqtaý basqarmasynyń basshysy Tileýhan Ábildaev Habar 24 telearnasyndaǵy onlain-brifing barysynda aitty, - dep habarlaidy QazAqparat.
Búgin, 26 naýryzda Qalalyq juqpaly aýrýlar aýrýhanasynan COVID-19 virýsy rastalǵan áiel emdelip úiine shyǵaryldy. Ol Qazaqstanda koronavirýstyq infektsiiany juqtyrǵandardyń alǵashqylarynyń biri boldy.
«Patsient koronavirýsty eýropada juqtyrǵan. Ol virýsqa qarsy emdeý men simptomatikalyq terapiianyń tolyq kýrsyn aldy. Aýrý simptomdarsyz ótip, virýsqa qarsy emdi áiel qanaǵattanarlyq jaǵdaida ótkizdi. Emdeý kezeńinde asqynýlar bolǵan joq. Sońǵy júrgizilgen eki baqylaý taldaý sharalary koronavirýsqa teris nátije kórsetti», – deidi Tileýhan Ábildaev.
